We sztwŏrtek we niydŏwno ôtwartym Parku Tradycyje we Siymianowicach trefiyli my sie ze Kōmisyjōm Nacyjowych i Ytnicznych Myńszości. Prezydynt Jacek Guzy ôkludziył nŏs po cŏłkim placu, także mieli my przileżytość

ôbezdrzeć sie jak to wszyjsko wyglōndo i muszã pedzieć, co richtich mie sie tam podobało. Skludziyli tam mockã roztomajtych maszin, co sie je używało na grubach naôbkoło. Wyszło z tego na isto fajne muzyjum, kere trza ôbŏczyć.

Niyskorzij siedli my na kołŏczu ze posłami i pogŏdali my sie ô tym pojakymu ślōnskij gŏdce potrzebny je status rygiōnalnyj mŏwy. Snadnōm rzeczōm posłanka Arciszewskŏ-Miylewczyk durch tuplikowała, co trza zmiynić ustŏwã ô polskij mŏwie, a niy ustŏwã ô myńszościach.

Jŏ żech tyż mioł niyprzileżytość poôsprŏwiać jak to wkludzōm ślōnskõ gŏdkã do kōmputra, skuli czego zaczynŏ ôna żyć we modernych technologijach. Po trefie posłanka Pietraszewskŏ prziszła dō mie i pedziała, co takŏ robota organicznŏ je nŏjważniyjszŏ i trza robić swoje. Richtich mie to uradowało.

Skuli tego, co bōł to ino przŏcielski tref, wszyjsko, co my mogli, to sie pogŏdać. Fajniy ale, że Kōmisyjŏ przijechała „do paszczy lwa”, jak to ftoś napisoł we kerymś cajtōngu. Z Warszawy niy wszyjsko widać. Dobrze by bōło, keby wiyncyj sam bywali. Może niykerzy inakszyj by patrzeli na Ślōnsk.

Grzegorz Kulik, SONŚ

www.poslunsku.eu

Na spotkaniu był także Piotr Szczepaniok, tyski koordynator SONŚ: