Bezmaś sům my na Wiyrchnim Ślůńsku, a mało wto z nŏs poradzi gŏdać jak niý łosprawio wicůw. I beztůż my ze SONŚ můmy fajnŏ idyjŏ. Chcymy, coby jak nojwiyncy ludzi poradziyło rajcować po Ślůnsku tak ło „waszbret” jak ło „růmpla”. Z kuli tego my na dole szrajbniýńci gryfnie zaprŏszůmy na biyrsztuba „ALIBI”, kero je we Goduli (terŏzki dzielnica Rudy Ślůnskij) przi sztrece Modrzejewskiej 7. Tref napoczniý sie šwierć na siůdmo (18:15) we piyrszy piůntek paździyrnika (05.10).

Niých przidům Ślůnzŏki, ale niý ýno łůni, niých tyż przińdům wszyjscy, kerym na lybrze Ślůnsk leży.

Je ýno jedyn gyzec, co wszyscy, kerzy bydům rajcować, majům to robić po Ślůnsku. A jak kery za dużo bydzie fafloł po polskiýmu, czeskiýmu czy niýmiecku kŏżymy mu iś sie snojś dolmeczra.

Tymatyjo rajcowano po ślůnsku to: „My Nacyjŏ Ślůnskŏ we Polsce”.

Zaprŏszajům:

jo Lyjo Swaczyna

i jo Michał Baraniok

P.S.

Łokrasům trefu bydzie filmu TV SFERA „Obrona Tożsamości” i kůnski inkszego filmu ło nacyji ślůnskij, we kerym je jako nŏs widzům za Brynicům.