Radosnych Godōw wiynszujōm Ślōnzŏki

Pón Bóczek się rodzi!

Kiery to już roz

spomino se ło tym cołki świat

i dali se idzie

i nie zmiynio swojich wad.

Pón Bóczek się rodzi

i miyndzy nami żyje sztyjc

chocioż już migły dwa tałzyny lot

od czasu kiej prziszoł

dlo nos na świat.

Czamu Cie nie chcymy

Pón Bóczku powiydz nom?

Czamu sztyjc idziesz

Ziymskom drogom prawie som?

Dej nom jeszcze roz

Łod nowa sie narodzić

Jyno tera już dobrym być

Pszoć miast zabijać

Fedrować, a nie bulić

Nie być łoszkliwym gizdym

jyno sztyjc służyć

Kożdymu z bajtli Twojich

Pón Bóczku pomogej nom.

(tekst: Ignac Bednorz, koło tysko-kobiórskie SONŚ)

(grafika: Sylwia Musioł)

Dodaj komentarz

Liczba komentarzy: 1

  1. Wszistkygo Nojlypszego we ty Świynta Bożygo Narodzynio.
    Życza, coby Wom ni brakło karpfa, makowek i moczki abo i kołocza z posypkom.
    I coby glaskugle na krisbaumie lśnioły blaskym zapociałym.
    Cobyście zowżdy byli gryfni i zdrowi .
    Coby Wom pszali Wasze matule, łojce, bajtle, synki, braciki, dziołchy, ołpy, omki, onkle, ciotki, teście i inksze szwingermutry.
    Życza tysz, coby bez cołki nastympny rok, sznity były durchś rubo poszmarowane łomastom i coby do tego wusztu i inkszych maszketów niy zbrakło !
    No i po wilyji co by dzieciątko trefioło do Wos z najgryfniyjszymi z gryfnych gyszynków.
    życzy Wojciech z familijom

Dodaj komentarz


Możesz używać następujących tagów HTML :
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>